شعر لری
نگاهی به شعر های لری منطقه قزوین
مه ساده سم خوتم دونی ساده ی ساده مث آوو چه باحیاسه دل مه اشکنایش صدا نکرد تا توو عزیزدلمی کاری و کار کس نارم ای همه چش سیاه و روی خوو نمی حوی باور نکه اما هنوز
نهل که تنیا بمونم فقط خدا خدا بکم
یه کاری کوو که بعد توو نفرین نموونه پش سرت
وا دلمه وفا کوو تا پشت سرت دعا بکم
عمری وه پای توو نشس سوخت و تکو نحرد دلم
گتم :چته گت که: می حام و عهده خووم وفا بکم
د اولش خطا کدم و چش توو نیه کدم
وا ایی همه خطا کاری می حام هنی خطا بکم
ساده ترم د یه که مه بحام سنت ریا بکم
گتم:صدات در نمی یا گت که: می حام حیا بکم
می ترسم ار قیومتم هنی منه صدا کنی
دحق خوم بگذرم و فقط توونه صدا بکم
تیکه تیکه بوام ایر وا کسی اعتنا بکم
می تونی د رنگ زردم بحونی
نامسلمو یه کلوم جومه به
ایقه سی چی منه سر می یردونی
غیره ار جفا بکه حرفی نارم
ناسلامتی تو وام همزبونی
نونم آخر چی بکم واغم توو
تا کی باید بشینم دس و زونی
بی توو هر رو مث سالی میگذره
آخه هر رو سالیه سی زندونی
سی مه سخته د توو دل کنه عزیز
یه توونی می شکنی دل وه آسونی
د توو و عشق توو چیزی سیم نمن
غیر دنیایی غم و پشیمونی
دل و توو دم که سه نم نییش دوری
نه دمش که ایطوری بسورونی
د غمت نوونی چی دارم می کشم
د چی سیت بیم که توو هیچی نونی
نوم توو مسلمونه نه دروعه
کافری توو کی میه مسلمونی؟
خومونیم به بینم حضرت عباسی
چه دیدی د مه بجز مهربونی ؟
ایسه ر یه روز پشیمو می آووی
اوسه دیه فایده ناره پشیمونی
........................................
واهمه ای حرفیا دل نکنه
حقته روز قیومت بسوونی
بد جوری بد جوری بیمار توونه
ای دلم فقط خریدار توونه
چه بلایی سر ای دل آووردیه
که چنی عاشق توو زار توونه؟
قبل توو دل وه کسی مه نمی دم
ای گلارم یه همش کار توونه
مینه ای شهر خرووبیه دلم
تشنه سه تشنه ی دیدار توونه
چی کیک مستی توو پا ور میوری
ای دلم شیفته ی کردار توونه
دلمه هنوز گرفتار توونه
هر کجا هیسی خدا پشت و پنات
توو که یار دلی دل یار توونه
| Design By : Night Skin |
